ပွဲသိမ်းခရာ မမှုတ်သေးခင်
မန်ယူ ရှုံးပြီလို့ မပြောပါနဲ့ဦး။
ကျားသစ်ဆိုတာ
အရေခွံဆုတ်ပြီးမှ
တကယ်သေပြီလို့ အတည်ပြုနိုင်တယ်။
ပိုးဟပ်တစ်ကောင်ဟာ
ခေါင်းမပါဘဲနဲ့
ရက်အတော်ကြာ အသက်ရှင်နိုင်သေး ဆိုပဲ။
အသက်ရှူ ရပ်သွားတာတောင်
ဦးနှောက် အလုပ်လုပ်နေရင်
သေပြီလို့ မဆိုနိုင်သေးဘူး။
ငါ့နှလုံးခုန်သံ ယဲ့ယဲ့လေးပဲ ကျန်တော့လို့
မင်း သိပ်ပျော်နေလားဟင်။
စိတ်ချ...
နောင်ဘဝကျရင်လည်း
ငါ မင်းကိုပဲ ပြန်ချစ်ဦးမှာ။
တန်ဖိုးရှိတဲ့ မိန်းမဆိုတာ
စာအုပ်ကောင်းတစ်အုပ်လိုပဲ
ဘယ်လောက် ဟောင်းနွမ်းစုတ်ပြတ်နေပါစေ
ပြန်ဖတ်တိုင်း အရသာရှိတယ်လေ။
မင်းလူ
No comments:
Post a Comment