Products I have used up

မင်္ဂလာပါ။ ဘလော့လေး ဖုန်လာခါတာပါ။ ဒီနေ့တော့ လက်ရှိသုံးနေတဲ့ skin care ထဲက ကုန်သွားတဲ့ product တွေအကြောင်း review လုပ်မယ်နော်။

SK-II Facial Treatment Essence

သုံးလို့ကောင်းသလို ဈေးလဲကောင်းပါတယ်။ ညဘက်လိမ်းပြီး မနက်ဆိုရင် မျက်နှာက ကြည်ပြီး နှာခေါင်းနားတဝှိုက် အသားနီတာတွေ သက်သာပါတယ်။ အနံ့က စစချင်းတော့ မွှေးပေမယ့် အသားပေါ်တင်လိုက်ရင် တစ်မျိုးဖြစ်သွားတယ်။ ကိုယ်ပဲနှမျောပြီး အကြာကြီးနေမှ လိမ်းလို့လားမပြောတတ်ဘူး။ ပထမပုလင်းရော ဒုတိယပုလင်းပါ အနံ့က တစ်မျိုးကြီးပဲ။ ထပ်ဝယ်ဦးမလားဆိုရင်တော့ မဝယ်တော့ပါဘူး။ SK-II ပစ္စည်းတွေက အာရှဘက်မှာပိုတန်ပေမယ့် အနောက်ဘက်အရပ်မှာတော့ ဈေးအရမ်းများပါတယ်။ အခွန်ပါထည့်တွက်ရင် 160 ml ကို $200 နီးပါးလောက်ကျတယ်။ SK-II က Cruelty free brand မဟုတ်ပါဘူး။

Mario Badescu Aloe Vera Toner

မကြိုက်ပါဘူး။ လိမ်းရတာအဆင်ပြေပေမယ့် မျက်နှာသစ်ပြီးပေမယ့် ကျန်နေသေးတဲ့ အညစ်အကြေးတွေ အကုန်လုံးကို မဖယ်ရှားပေးဘူးလို့ထင်တယ်။ နောက်ပြီး ဆားဝက်ခြံတွေလဲ မလျော့သွား မသေးသွားပါဘူး။ ချွေးပေါက်တွေလဲ မကျဉ်းသွားပါဘူး။ Mario Badescu ရဲ့ အားသာချက်ကတော့ cruelty free ပါ။ Animals testing မလုပ်ပါဘူး။ ဈေးလဲအရမ်းမကြီးပါဘူး။ 236 ml ကို $15 ပါ။

Caudalie Vinoperfect Radiance Serum

ဆောင်းတွင်းမှာ အသားအရေခြောက်တဲ့သူတွေအတွက် သင့်တော်ပါတယ်။ အဆီပါဝင်မှုများတဲ့အတွက် နွေရာသီ ဒါမှမဟုတ် ရာသီဥတုပူတဲ့ ဒေသတွေမှာဆိုရင်တော့ အဆင်မပြေလောက်ဘူးထင်တယ်။ သူ့ကိုတော့ toner လိမ်းပြီးရင် လိမ်းပေးပါတယ်။ လက်ဖဝါးနှစ်ဖက်နဲ့  အသားထဲစိမ့်ဝင်အောင် ဖွဖွလေးဖိပြီး လိမ်းပေးပါတယ်။ မနက်အိပ်ရာနိုးရင် အသားအရည်မခြောက်ပဲ စိုစိုလေးဖြစ်နေသလို နှာခေါင်းတဝှိုက်နဲ့ နှုတ်ခမ်းထောင့်က အသားအရည် နီနေတာတွေ သက်သာပါတယ်။ သူကတော့ သူ့ကြီးပဲ သပ်သပ်ဝယ်မယ်ဆို 30 ml တစ်ပုလင်းကို $79 ပါ။ Christmas နားနီးရင် ထုတ်တဲ့ set လေးဝယ်ရင် ပိုတန်ပါတယ်။ Full size ရသလို ဒီတံဆိပ်ကထုတ်တဲ့ တခြားပစ္စည်း ၂မျိုး mini size ရပါတယ်။ ဈေးကလဲ အတူတူပါပဲ။

Estee Lauder Advance Night Repair

အသားရည်ထဲစိမ့်ဝင်မှုအား အရမ်းကောင်းပါတယ်။ ခဏလေးနဲ့ခြောက်သွားပြီး စေးကပ်ကပ် မဖြစ်ပါဘူး။ မြန်မာပြည်ရာသီဥတုနဲ့ ပိုအဆင်ပြေပါတယ်။ အသားအရည် အရောင် ညှိပေးတဲ့အပြင် wrinkles ဖြစ်တာတွေကို ကာကွယ်ပေးပါတယ်။ အနံ့လေးကလဲ သင်းသင်းလေးပါ။ ဈေးကတော့ 30 ml ကို $68 နဲ့ 50 ml ကို $98 ပါ။ Estee Lauder websit မှာတော့ animals testing မလုပ်ဘူးလို့ ရေးထားပေမယ့် တရုတ်ဈေးကွက်ကို ဝင်တာကြောင့် သူတို့ထုတ်ထားတဲ့ ဥပဒေအရ animals tested လုပ်ပြီးမှ ဈေးကွက်ပေါ်တင်လို့ရပါတယ်။ Cruelty free ဖြစ်တယ်လို့ တပ်အပ်မပြောနိုင်ပါဘူး။

Caudalie Beauty Elixir

စစဝယ်ချင်းတုန်းကတော့ အနံ့ကိုလုံးဝမခံနိုင်ဘူး။ ဆေးနံ့နဲ့တူလို့။ သူကတော့ moisturizer မလိမ်းခင်မှာ ဖျန်းလို့ရသလို တစ်နေ့တာအတွင်း လိုမယ်ထင်ရင် ဖျန်းလို့ရပါတယ်။ သုံးရင်း သုံးရင်းနဲ့တော့ အနံ့ကိုကြိုက်လာတယ်။ ဖျန်းပြီးရင် အသားအရည် ညစ်နေတာလေး တော်တော်ကို လျော့သွားပါတယ်။ မျက်နှာလဲ ပြောင်ပြောင်လေး (အဆီပြန်သလို ပြောင်တာမဟုတ်ဘူးနော်) ဖြစ်သွားတယ်။ နောက်ပြီး စိတ်ထင်လို့လားတော့ မသိဘူး၊ အလုပ်မှာ အိပ်ချင်ရင် ဒါလေးဖျန်းလိုက်တော့ လန်းဆန်းသွားသလိုပဲ။ Mini size 18 ml ကို $18 ပါ။ Full size 100 ml ကို $48 ပါ။ သူလဲ Christmas နားနီးရင် ထုတ်တဲ့ set လေးတွေဝယ်ရင် ပိုတန်ပါတယ်။ Caudalie ရဲ့ website မှာ against animals testing လို့ရေးထားပေမယ့် တရုတ်ဈေးကွက်ကို ဝင်တဲ့အတွက် တရုတ်အစိုးရရဲ့ စည်းကမ်းလိုအပ်ချက်အရ animals testing လုပ်ပြီးမှ သူတို့ဈေးကွက်ထဲ ပေးတင်ပါတယ်။ လုံးဝဥသုံ cruelty free brand တော့ မဟုတ်ပါဘူး။

Bella Thanaka Cleansing Foam Review

Mingalaba!

Long time no post! I'm sorry I've been MIA for such a long time. Today, I would like to do a review on Bella Thanaka Cleasing Foam that I bought when I went back to Yangon last December. I didn't notice that there is a Beauty Diary branch in Latha Township until the day before I leave. How on earth did I miss that...ugh! I guess being away from Myanmar for years made me get lost everywhere...haha. I've been meaning to go there since I landed and get my hands on Bohktoh Double Eyelid tape (review will coming soon) after I saw it in one of Beautybynaychi's videos and Beautybychristinalim's IG posts.

Okay...back to the topic. To be honest, I was hesitant to try Bella's products since I heard bad reviews on some of their products but I decided to give it a go on their Thanaka Cleasing Foam and I'm glad that I gave it a try. It comes in two different sizes: 40 g and 90 g. 40 g retails for 1550 MMKs and 90 g retails for 2850 MMKs. I always tend to buy beauty or skin care products in small sizes (or ask for a sample if available) so that I know whether it is going to work for me or not before I buy a full size. I've been a huge fun of Thanaka since I was a kid and was so excited when I heard that Bella is coming out with Thanaka face wash. I bought a small size just to test it out and regret that I didn't buy an extra. My first impression on this product is the packaging. It is on point and doesn't feel cheap at all. The smell is exactly what I imagine and the consistency of the cream is great! You just need a pea size amount or less to clean the entire face and it foams up pretty nice. I've been using it in the morning for a month now and it still have a lot of products in the tube. It cleans out all built up oil on my face effectively. I have a combination/oily skin and it hasn't dry or break out my skin since I started using it. This product is highly effective yet mild on the skin. I can't say for sure it help minimize the pores since I don't have large pores on my face but it does whiten my face and reduce redness around my nostril. It doesn't get rid of all the blackheads but it does reduce the amount on my nose.

All in all, I really like the product and would buy again. I would say this is the product that is worth buying in such a low cost. I know this post is not an in-depth review but hope it helps somewhat.
  
PS. If you have sensitive skin, I recommend doing a patch test first.   

Thanks for taking your precious time to visit and read my blog. Hope you have a wonderful day/night. Ciao!
   

စိတ်ထဲမယ် အစာမကြေတာ‌‌‌လေးတွေ

အားလုံးပဲ မင်္ဂလာပါ...

ဒီတစ်ခါပို့စ်ကတော့ ရင်တွင်းဖြစ်ပေ့ါ့နော်...စိတ်ထဲမှာတနုံ့နုံ့နဲ့ မနေနိုင်တော့လို့

ရွှေပြည်ကြီးကလာတဲ့ အချို့သောရွှေမြန်မာတွေရဲ့ အပြုအမူဟာ တစ်ခါတစ်လေ အရမ်းကို စိတ်ညစ်ဖို့ကောင်းတာပဲ။ ကိုယ်ပိုင်ပိုက်ဆံနဲ့ ဝယ်တာမဟုတ်တဲ့ ပစ္စည်းတွေဆိုလဲ စည်းမရှိကမ်းမရှိသုံးလိုသုံး၊ ဂရုစိုက်စရာမလိုဘူးဆိုတဲ့ အချိုးတွေနဲ့။ ပြီးခဲ့တဲ့တနင်္ဂနွေနေ့မှာ သွားနေကြ ဘုန်းကြီးကျောင်းက ဝါဆိုပွဲရှိတဲ့အတွက် ကော်ပြန့်စိမ်းလှူဖြစ်တယ်။ ပုံမှန်ဆိုရင်တော့ ထည့်စရာတစ်ခါသုံးပန်းကန်၊ ဇွန်း၊ ခက်ရင်းနှင့် တစ်သျူးစက္ကူ အပြည့်အစုံယူသွားဖြစ်တယ်။ ဒီတစ်ခေါက်ကတော့ ပန်းကန်ရယ် စက္ကူရယ်ကလွဲလို့ ကျန်တာဘာမှကို မယူသွားဖြစ်ဘူး။ မဝယ်ထားတာလဲပါတာပေါ့လေ။ အစကတော့ ဘုန်းဘုန်းကျောင်းမှာ ဝယ်ထားတာတွေနဲ့ပဲသုံးမယ်ပေါ့။ ဟိုရောက်တော့လဲ သွားမယူဖြစ်ဘူး။  ဘာလို့လဲဆိုတော့ တစ်ခြားအစားအသောက်အလှူရှင်တွေမှာလဲ ဇွန်း သို့မဟုတ် ခက်ရင်းက ရှိမှာပဲဆိုတော့ ထွေထွေထူးထူးလုပ်ပြီး ဇွန်းမတပ်ပေးလိုက်တော့ဘူး။ ကော်ပြန့်စိမ်းက စုစုပေါင်း ၂၃၃လိပ် ဆိုတော့ ထည့်တဲ့ပန်းကန်က ၂၃၃ချပ်။ ဇွန်းတပ်ပေးမယ်ဆိုရင် အချောင်း၂ဝဝကျော်။ ဇွန်းတွေက တစ်ခါသုံးဖြစ်ပေမယ့် သုံးထားတဲ့ကော်အမျိုးအစားက အကောင်းကြီးမဟုတ်တောင် အဆိုးကြီးလဲမဟုတ်တဲ့အတွက် သေချာဆေးပြီးရင် ပြန်သုံးလို့ရပါတယ်။  သေချာစဉ်းစားကြည့်ရင်လေ တစ်ခါသုံးပြီး ပစ်လိုက်တာ တစ်ချောင်းတစ်လေဆို ဘာမှမဖြစ်ပေမယ့် အရေအတွက် ၂ဝဝကျော်ကို တစ်ခါပဲသုံးပြီး လွှင့်ပစ်တာကြတော့ သိပ်မကောင်းဘူးလားလို့။ (Eco-friendly လုံးဝကိုမဖြစ်တာပါ) ဒါက ကိုယ်လှူတဲ့ အစားအစာတစ်ခုအတွက်ပဲရှိသေးတာရယ်။ နောက်ထပ်အလှူရှင် ၉ယောက်တောင်ရှိသေးတယ်။ လာတဲ့ဧည့်ပရိတ်သတ်ကပဲ မရှိဆို အယောက် ၃၀၀ ၄၀၀ လောက်အသာလေး။ ဆိုတော့ အသုံးပြုတဲ့ စက္ကူပန်းကန်၊ ဇွန်း၊ ခက်ရင်း၊ ခွက်တွေ ဘယ်လောက်တောင်များရှိလိုက်မလဲ။ အဲ့ဒါကို ဇွန်း သို့ ခက်ရင်းမတပ်ပေးတော့ ဘယ်လိုစားရမှာလဲဆိုပြီး ဘုအတောခံရသေးတယ်။ တစ်ယောက်လဲမဟုတ်၊ နှစ်ယောက်လဲမဟုတ်။ ကိုယ်က ကုသိုလ်လိုချင်လို့ ငွေနှင့် အချိန်အကုန်ခံ၊ လူအပင်ပန်းခံပြီး လာလှူတာပါ။ စျေးလာရောင်းတာလဲ မဟုတ်ပါဘူး။ လူကိုဆက်ဆံသွားတာ စျေးသည်ကိုပြောသလိုမျိုး ဒါလေးတောင် မရှိရကောင်းလားဆိုတဲ့ ပုံစံမျိုး။ တစ်ခြားအလှူရှင်တွေဆီကရတဲ့ ဇွန်း သို့ ခက်ရင်းနဲ့ စားလဲဖြစ်ပါတယ်။ ကိုယ်တစ်ယောက်ထဲစားတာလေနော့။ စားထားတဲ့ဇွန်းနဲ့ပဲ တစ်ခြားဟာထပ်စားလိုက်လို့လဲ ဘာမှဖြစ်သွားမှာမဟုတ်ပါဘူး။ ကိုယ်တစ်ယောက်တစ်လေပစ်လိုက်တဲ့ အမှိုက်ကဘာမှမပြောပလောက်ပေမယ့် လူအများကြီးက တစ်ခါတည်းနဲ့အများကြီး ပစ်တာကျတော့ သိသာတယ်လေ။ ကမ႓ာကြီးမှာ တစ်နေ့တစ်နေ့ လူတွေပစ်တဲ့အမှိုက်တွေဆိုတာ နည်းရောလား။ ကမ႓ာမြေကြီး ပူနွေးလာတာ၊ ရာသီဥတုဖောက်ပြန်လာတာတွေရဲ့ အဓိကတရားခံဟာ အဲ့ဒီစွန့်ပစ်ပစ္စည်းတွေကြောင့်ပါ။ တိုက်ရိုက်သက်ဆိုင်နေတာပါ။ ခုနောက်ပိုင်းစိတ်ထဲမှာဖြစ်နေတာက ကိုယ်လဲတတ်နိုင်သလောက် eco-friendly ဖြစ်အောင်နေတယ်။ သုံးတဲ့ပစ္စည်းတွေလဲ recycle ပြန်လုပ်ထားတာတွေပဲ ဝယ်သုံးတယ်။ မှန်ပါတယ်...တစ်ယောက်ထဲလုပ်လို့ဘာမှဖြစ်မလားဘူးဆိုပေမယ့် ကိုယ့်ဆုံးဖြတ်ချက်နဲ့ကိုယ်ပဲလေနော်။ အဲ့ဒီအတွေးနဲ့ ဇွန်းမတပ်ပေးတာ ကျွန်မလုံးဝမမှားဘူးလို့ထင်တာပဲ။

ရေးချင်တာတွေရေးလိုက်ရလို့ စိတ်ထဲတော့ပေါ့သွားပြီ။ ဘလော့ဂ်ကို မျက်စိလည်ပြီးရောက်လာတဲ့သူတွေအားလုံး၊ အချိန်ကုန်ခံဖတ်ပေးတဲ့သူတွေအားလုံးကို ကျေးဇူးတင်ပါတယ်။ အခုလဲစိတ်ကူးပေါက်လို့ ပို့စ်ရေးဖြစ်တာ။ နောက်ထပ်ဘယ်တော့စိတ်ကူးပေါက်မှ ရေးဖြစ်ဦးမလဲတော့ မသိဘူး။ အားလုံးပဲ မင်္ဂလာညချမ်းဖြစ်ပါစေနော်။